მიმდინარე სიახლეები
8 ნოემბერი, 2018
ტაჯიკეთის დელეგაციის ვიზიტი სასამართლოში
2018 წლის 8 ნოემბერს, თბილისის საქალაქო სასამართლოს, ოფიციალურ ვიზიტად საქართველოში მყოფი ტაჯიკეთის რესპუბლიკის დელეგაციის წევრები სტუმრობდნენ. უცხოელ კოლეგებს თბილისის საქალაქო სასამართლოს საგამოძიებო, წინასასამართლო სხდომისა და არსებითი განხილვის კოლეგიის თავმჯდომარე და მოსამართლეები შეხვდნენ.
შეხვედრაზე მხარეებმა მოსამართლეთა შერჩევის, გადამზადების და თანამდებაზე გამწესების საკითხებზე ისაუბრეს. ასევე, უცხოელმა სტუმრებმა მიიღეს ინფორმაცია სასამართლოში საქმის წარმოების ელექტრონული პროგრამის შესახებ.
სტუმრებმა სასამართლოს შენობა, კერძოდ მოქალაქეთა მომსახურების ცენტრი და სხდომათა დარბაზები დაათვალიერეს. შეხვედრის დასრულების შემდეგ სისხლის სამართლის არსებითად განხილვის სხდომას დაესწრნენ.
ამერიკის იურისტთა ასოციაციის მიერ, ტაჯიკეთის რესპუბლიკაში (ABA Rule of Law Initiative) შექმნილი უწყებათშორისი სამუშაო ჯგუფი, ქვეყნის ანტიკორუფციული კანონმდებლობის ოპტიმიზაციის მიზნით, რეკომენდაციების შემუშავებაზე მუშაობს.