ანა ჩხეტია

დაიბადა 1983 წლის 30 აპრილს ქალაქ ქუთაისში.
 
2005 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.
 
2006-2012 წლებში მუშაობდა თბილისის სააპელაციო  სასამართლოში სხვადასხვა თანამდებობებზე, კერძოდ, იყო აღნიშნული სასამართლოს კანცელარიისა და მოქალაქეთა მისაღების სამოქალაქო სექტორის წამყვანი სპეციალისტი, სამოქალაქო პალატის სხდომის მდივანი და მოსამართლის თანაშემწე.
 
2012-2013 წლებში იყო იუსტიციის უმაღლესი სკოლის მსმენელი.
 
2013-2015 წლებში მუშაობდა საქართველოს უზენაესი სასამართლოს სამოქალაქო საქმეთა პალატის კონსულტანტად.
 
საქართველოს იუსტიციის უმაღლესი საბჭოს გადაწყვეტილებით, 2015 წლის 1 აგვისტოდან არის თბილისის საქალაქო სასამართლოს ადმინისტრაციულ საქმეთა კოლეგიის მოსამართლე.
ჰყავს მეუღლე და ორი შვილი.