საქართველოს სახელმწიფოს საზღვრის უკანონო გადაკვეთაში მიხეილ სააკაშვილის დახმარებისათვის და დანაშაულის დაფარვისთვის ბრალდებულებს ელგუჯა ცომაიას, ზურაბ და შალვა წოწორიებსა და გიორგი ნარიმანიძეს შეფარდებული აღკვეთის ღონისძიება პატიმრობა შეეცვალათ  -  გირაოთი, თითოეულს -  5000 – 5000 ლარის ოდენობით. ბრალდებულები გათავისუფლდნენ პატიმრობიდან. მათ გირაოს გადახდის ვადად განესაზღვრათ 1 თვე. 

საქმის არსებითად განხილვის ეტაპზე, დაცვის მხარემ საქმეში წარმოდგენილი  მტკიცებულებები უდაოდ ცნო. შუამდგომლობას აღკვეთის ღონისძიების შეცვლის თაობაზე დაეთანხმა ბრალდების მხარე. 

ბრალდებულებს ბრალად ედებათ საქართველოს სს კოდექსის 375-ე მუხლის პირველი და მე-2 ნაწილით - საქართველოს სისხლის სამართლის კოდექსის 332-ე მუხლის მე-2 ნაწილით და მძიმე დანაშაულების წინასწარ შეუპირებლად დაფარვა, ასევე ელგუჯა ცომაიას ბრალად ედება  სსკ-ის 25,344-ე მუხლის პირველი ნაწილი - საქართველოს სახელმწიფო საზღვრის უკანონოდ გადაკვეთაში დახმარება.