ვებ-გვერდი მუშაობს სატესტო რეჟიმში

ვებ-გვერდის ძველი ვესია
+ A -
A A A
a A

მიმდინარე სიახლეები

10 იანვარი, 2020

ტეგები

სიახლე

სასამართლო ბრალდებულ ნიკა გვარამიას პასუხობს

თბილისის საქალაქო სასამარათლო ბრალდებულ ნიკა გვარამიას მიერ საჯაროდ გაკეთებულ განცხადებებს მიზანმიმართულ  ცილისწამებად და სასამართლო სისტემის დისკრედიტაციის მცდელობად აფასებს. სასამართლო საზოგადოების შეცდომაში შეყვანის თავიდან აცილების მიზნით განმარტავს, რომ ბრალდებულ ნიკა გვარამიას მიმართ, საქმისწარმოება არსებითად განხილვის ეტაპზეა.

2019 წლის 24 დეკემბერს ,,საქართველოს საერთო სასამართლოებში საქმეთა ავტომატურად,  ელექტრონული სისტემის მეშვეობით განაწილების წესის თანახმად“ სისხლის სამართლის საქმე არსებითი განხილვისათვის ელექტრონულად განაწილდა თბილისის საქალაქო სასამართლოს კოლეგიებში დადგენილი ვიწრო სპეციალიზაციების მიხედვით მოსამართლეთა შემადგენლობების განსაზღვრის შესახებ, სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის  შესაბამისი კატეგორიის 6 მოსამართლეს შორის.

შემთხვევითი შერჩევის პრინციპის საფუძველზე, ბრალდებულ ნიკა გვარამიას სისხლის სამართლის საქმე განსახილველად მოსამართლე გიორგი არევაძეზე განაწილდა. საგულისხმოა, ის ფაქტი, რომ მოცემული საქმის ელექტრონულად  განაწილებისას  შესაბამისი კატეგორიის არცერთი მოსამართლე შვებულებაში არ გახლდათ. შესაბამისად ბრალდებულის მიერ დღეს გაკეთებული საჯარო განცხადებები მცდარია  და არ შეესაბამება სიმართლეს.

თბილისის საქალაქო სასამართლო ბრალდებულ ნიკა გვარამიას პასუხობს